男披唇：柴醫，我最近娶咗賓妹。 柴醫：哈？真定假啊？ 男披唇：真啊，因為我本身都係一位西人。 柴醫：有外國人血統？ 男披唇：我住荃灣西。 柴醫：咁賓妹呢？ 男披唇：她鄉下係哈爾濱。 柴醫：

今日兩位柴粉特意送來特大果籃祝賀柴醫行醫20年，選購兩枚珍藏版金屬襟章，柴醫受寵若驚，與兩位粉絲合照，她們立刻戴上襟章，特別紀念這個日子，柴醫：呢兩個襟章係我滿滿的祝福，保你們平安！ 粉絲：咁我祝你越來越多病人，診務更繁忙！

男披唇把皮膚狀況記錄在手機中，太太每次都陪他來睇症。 柴醫：可以比我睇睇這個星期的狀況。 男披唇展示圖片，忽然手機出現一張泳衣男士照片，擺出good 的手勢，原來係柴醫！ 男披唇：Sorry。 柴醫：咦？你手機竟然save咗我的泳裝相。 男披唇太太忍不笑了：估唔到吧！ 男披唇：唔好誤會，我剛想買一件泳衣，剛好見到你post 的相，嘿嘿！ 柴醫：有女披唇save 我唔意外，男披唇save 都係第一次，哈哈！

四月天氣變化，濕疹披唇皮膚反復。 披唇：柴醫，我皮膚好乸痛。 柴醫：呢度診所嚟㗎，可否唔講粗口？ 披唇：我無講粗口啊，啲皮膚傷口好乸好痛。 柴醫：原來你都係斯文人。

披唇兒子考完DSE，母親帶他來覆診。 柴醫：有無什麼心儀的科目呢？ 披唇母親：柴醫，其實讀中醫好唔好？ 柴醫：根據臺灣的一項調查顯示，男中醫壽命比一般群眾長命一些。 披唇母親：咁西醫同牙醫呢？ 柴醫：西醫和牙醫壽命明顯比中醫長壽6-7年，可能與收入和生活習慣有關。 披唇母親：呢個研究係幾多年㗎？ 柴醫：2009年。 披唇母親：差不多20年前，準唔準㗎？ 柴醫：參考下無壞嘅，最緊要睇仔仔興趣。 仔仔終於開口：我想讀醫，不過係SPE（體育）。 柴醫：

柴醫海報，細個係油塘村長大，父母努力工作，柴醫也有樣學樣，秉承著獅子山下的拼搏精神，柴醫成功做到一名中醫師。閒時抽時間運動，籃球、滑雪和乒乓波，都係柴醫喜歡的運動。 滙豐銀行也是柴醫經常去辦理公司事務的地點，以前職員見柴醫十分嫩口，會問這裡是premier 客戶專區，你係？宜家已經無職員再問了。

女披唇：柴醫，我指甲上有小白點，係咪肝血不足啊？ 柴醫望一望：這是「點狀白甲症」（Punctate Leukonychia） 女披唇：我無掂白鴿喔。 柴醫：呵呵，和白鴿無關，主要係小碰小撞，撞到指甲底部導致，唔洗擔心。 柴醫：好多人以為係缺鋅缺鈣，其實成日食放題的港人，好少缺鋅缺鈣，你又唔係偏食。 女披唇：我見白點係中間出現，慢慢移向上。 柴醫：因為初頭撞到指甲位置，指甲處於邊緣位置，指甲未硬化，所以比較朦朧，生到中間對比度就會明顯，才發現白點。 女披唇：我明白喇，以前阿婆話係因為肚子生蟲，嚇得我啊！ 柴醫：唔關事㗎，係完全無關㗎。

今日有幸被邀請出席香港教育大學的職員同樂日，我分享一些職場的常見不適，和穴位按摩的方法，如何改善筋骨痛、失眠的的湯水。 這是教育大學的新centre ，哇，景觀非常靚，無敵海景。係度上堂真係賞心悅目。